„მზიურში“ ასაფეთქებელი მოწყობილობის შესახებ შეტყობინება ცრუ აღმოჩნდა. ტერიტორიაზე სპეციალისტებმა მუშაობა დაასრულეს. ინფორმაციას შინაგან საქმეთა სამინისტროში ადასტურებენ.

„მზიურში“ ევაკუაცია გუშინ საღამოს განხორცილდა. საშიშროების შესახებ შეტყობინება 112-ში შევიდა. „მზიურში“ თავისუფალი ჩვენებების სივრცეში ფილმ „პრაიდის“ ჩვენება და დისკუსია იმართებოდა.

ორგანიზატორებმა სურათი ჰომოფობიასთან, ტრანსფობიასთან და ბიფობიასთან ბრძოლის საერთაშორისო დღესთან დაკავშირებით შეარჩიეს. ჩვენების დაანონსებისთანავე, სოციალურ ქსელში დაიგეგმა კონტრ-ღონისძიება - მოქალაქეთა ჯგუფი ფილმის ჩვენებას აპროტესტებდა.