მაისი 19, 2017
ბრაზილიაში პოლიტიკური კრიზისის ფონზე, საფონდო ბირჟამ და ეროვნულმა ვალუტამ მკვეთრი ვარდნა განიცადეს.
ადგილობრივი მედიის ცნობით, ქვეყნის პრეზიდენტ მიშელ ტემერს კორუფციაში სდებენ ბრალს.
პარლამენტარების მხრიდან ტემერის იმპიჩმენტის მოთხოვნაც გაისმა, ქუჩებში კი მასობრივი საპროტესო აქციები მიმდინარეობს.
პრეზიდენტი ბრალდებას უარყოფს, მაგრამ ინვესტორებმა ტემერის ეკონომიკური რეფორმის ნდობა დაკარგეს და ბრაზილიის ბირჟაზე, წამყვანი ინდექსი თითქმის 10 პროცენტით დაეცა, რეალი კი - 6 პროცენტით გაუფასურდა.
რაც შეეხება ბრაზილიის სუვერენულ ევრობონდებს, მათი შემოსავალი რეკორდული ტემპით იზრდება.
მაჩვენე მეტი