მაისი 19, 2017
ირანის ისლამურ რესპუბლიკაში საპრეზიდენტო არჩევნები მიმდინარეობს. საარჩევნო უბნები ადგილობრივი დროით 8 საათზე გაიხსნა.
ირანის მოქალაქეები არჩევანს ოთხ კანდიდატს შორის აკეთებენ. მათ შორისაა პრეზიდენტი ჰასან როჰანი და სასულიერო პირი ებრაჰიმ რაისი.
რჩეულ კანდიდატს ხმა უკვე მისცა ქვეყნის სულიერმა ლიდერმა აიათოლა ალი ჰამენეიმ. საკუთარი არჩევანი დააფიქსირა პრეზიდენტობის კანდიდატმა რაისმაც.
ირანში ხმის მიცემის პროცედურა ადგილობრივი დროით 18 საათზე დასრულდება, თუმცა მაღალი აქტივობის შემთხვევაში, პროცესი შესაძლოა ორი საათით გაახანგრძლივონ.
ორი საარჩევნო უბანი ირანის მოქალაქეებისთვის საქართველოშიც გაიხსნა.
მაჩვენე მეტი