საკაბელო ტელევიზიების ნაწილი ექვსი ტელეკომპანიის სიგნალების გათიშვით იმუქრება.

პროტესტი კომპანია ჯი-ემ-არ-ის იმ მიმართვას მოჰყვა, რომლის მიხედვით, საკაბელო ოპერატორებმა ქართული არხების ტრანსლირების სანაცვლოდ კომპანიას თანხა უნდა გადაუხადონ.

ჯი-ემ-არი, რომელიც ექვს კერძო არხს წარმოადგენს, საერთაშორისო პრაქტიკაზე მიუთითებს და საკაბელო ტელევიზიებს კომერციულ პირობებზე შესათანხმებლად მოლაპარაკებას სთავაზობს.

ადრესატებისთვის წინადადება მიუღებელია. უთანხმოების პარალელურად, საკაბელო ტელევიზიების აბონენტთა ერთი ნაწილის ტელეეკრანებზე უკვე გაჩნდა წარწერა, რომლის მიხედვით, სააბონენტო მომსახურების ფასი შესაძლოა გაიზარდოს.