პროფესიული კავშირების, „აუდიტორია 115“- ისა და რამდენიმე არასამთავრობო ორგანიზაციის მონაწილეობით აქცია ლოზუნგით - „სოლიდარობა მუშებს“, ცოტა ხნის წინ, დასრულდა.
პარლამენტთან შეკრებილებმა კიდევ ერთხელ დააფიქსირეს თავიანთი გზავნილები შესაბამისი ორგანოების მისამართით.
როგორც აქციის ერთ-ერთმა მონაწილე ეთერ მათურელიაძემ აღნიშნა, დღევანდელი აქცია ტყიბულში დაღუპული მეშახტეების ხსოვნას ეძღვნება.
ისინი აპროტესტებენ იმ მდგომარეობას, რომელიც, მათი თქმით, სამუშაო ადგილებზე ხდება.
მათურელიაძის თქმით, სახელმწიფოს მშრომელი ადამიანის ღირსება და ღირსეული შრომა, ბოლო ადგილზე აქვს გადატანილი და ადამიანები, მისივე განცხადებით, არ არიან დაცული იმისგან, რომ სამსახურიდან მშვიდობით დაბრუნდნენ სახლში.
აქციის მონაწილეების ძირითადი მოთხოვნები კიდევ ერთხელ გააჟღერა პროფესიული კავშირების თავმჯდომარე ირაკლი პეტრიაშვილმა.
შრომის ინსპექციის სამმხრივი კონტროლი, რეგრესის პენსიის დაწესება მაღაროელებისა და მეშახტეებისთის, ასევე მათი საშემოსავლო გადასახადისგან გათავისუფლება და კონსტიტუციის შეთანხმება სტუდენტებთან და პროფესიულ კავშირებთან - ესაა მათი ძირითადი მოთხოვნები.