კონსტიტუციაში შესატანი ცვლილება სახელისუფლებო შტოებს შორის უთანხმოებას კიდევ უფრო ამწვავებს.
პრეზიდენტის მისამართით გამოთქმული ბრალდებების შემდეგ, გიორგი მარგველაშვილი მმართველი გუნდის ზოგიერთ წევრს პოლიტიკურ ტონს უწუნებს.
სახელმწიფოს მეთაური ქართულ ოცნებას ახსენებს, რომ 2018 წლის საპრეზიდენტო არჩევნებში მონაწილეობა ჯერ გაცხადებული არ აქვს.
განმარტების გაკეთება მას შემდეგ გახდა საჭირო, რაც ქართული ოცნებიდან პრეზიდენტი არაკორექტულ გამოსვლებში დაადანაშაულეს.
საპარლამენტო უმრავლესობაში ფიქრობენ, რომ პრეზიდენტის არაპირდაპირი არჩევის წესის მწვავე კრიტიკით, გიორგი მარგველაშვილი ცდილობს, შეთავაზებული ცვლილება საკუთარ თავს დაუკავშიროს.
მმართველი პარტიიდან დღეს პრეზიდენტს ღიად მიანიშნეს, რომ საკონსტიტუციო ცვლილებების კრიტიკის მიღმა პოლიტიკური მიზნები დგას.