არცერთ წარდგენილ ბრალდებაში თავს დამნაშავედ არ ცნობს დეკანოზი გიორგი მამალაძე, - ამის შესახებ სასულიერო პირმა დღევანდელ წინასასამართლო პროცესზე განაცხადა.

დარბაზში დაცვისა და ბრალდების მხარეებმა საკუთარი მტკიცებულებები წარადგინეს და შუამდგომლობები დააყენეს.

დეკანოზის უფლებადამცველები ითხოვენ პატიმრობა გირაოთი შეიცვალოს. ასევე, ადვოკატები დეკანოზზე სისხლის სამართლებრივი დევნის შეწყვეტის და რამდენიმე მტკიცებულების დაუშვებლად ცნობის შუამდგომლობას აყენებენ.

დაცვის მხარის წინააღმდეგობის მიუხედავად, სასამართლომ პროკურატურის მოთხოვნა დააკმაყოფილა და წინასასამართლო სხდომა დაიხურა.