ამერიკის შეერთებული შტატები ჩრდილოეთ კორეისთვის სანქციების გაფართოების საკითხზე მუშაობს. ამის შესახებ სახელმწიფო მდივანმა განაცხადა. რექს ტილერსონის თქმით, იმ შემთხვევაში, თუ ფხენიანი ისეთ ნაბიჯებს გადადგამს, რაც ახალ საპასუხო ქმედებას მოითხოვს, სანქციები გაიზრდება.

ვაშინგტონი არ გამორიცხავს ჩრდილოეთ კორეის ტერორიზმის ხელშემწყობ ქვეყანათა სიაში დაბრუნებასაც.

გასული თვის განმავლობაში ფხენიანმა ბალისტიკური რაკეტების რამდენიმე გამოცდა ჩაატარა და შეერთებული შტატების დაბომბვის ამსახველი იმიტირებული ვიდეო გაავრცელა.