თბილისის მეტროპოლიტენის შესახებ კვლევის ავტორების განცხადებით, ქალაქის საცობებისგან განტვირთვისთვის აუცილებელია მეტროპოლიტენის ხელმძღვანელობამ მეტროსადგურებში შემადგენლობები გაზარდოს. მათი თქმით, მოსაწესრიგებელია მეტროპოლიტენის ინფრასტრუქტურა, რათა მგზავრებმა კომფორტულად გადაადგილება შეძლონ.

თბილისის საკრებულოს დამოუკიდებელმა დეპუტატმა, ალეკო ელისაშვილმა და არასამთავრობო ორგანიზაცია ურბანული ლაბორატორიის წევრებმა ამის შესახებ საკრებულოში გამართულ კვლევის პრეზენტაციაზე ისაუბრეს.

კვლევის ავტორები დედაქალაქის და მეტროპოლიტენის ხელმძღვანელებს გარკვეულ რეკომენდაციებს აძლევენ.