უკვე მეორედ, ბოლო ათი წლის განმავლობაში, ავიაკომპანია "ალიტალია" გაკოტრების პირასაა. ქვეყნის მთავრობამ კომპანიის მოთხოვნის საფუძველზე, უკვე დაამტკიცა ავიაკომპანიაში ექვსი თვის დროებითი ადმინისტრაციის რეჟიმი, რომლის დასრულების შემდეგაც, "ალიტალია" ან გაიყიდება ან გაკოტრდება.

ოფიციალური რომი დასაშვებად მიიჩნევს, რომ ავიაკომპანიას 600 მილიონი ევროს სესხი გამოუყოს, რათა "ალიტალიამ" ექვსი თვის განმავლობაში ოპერირება გააგრძელოს, თუმცა, მის ნაციონალიზაციას გამორიცხავს.

ანალიტიკოსების აზრით, "ალიტალია", რომლის ზარალიც დღეში 1 მილიონ ევროს შეადგენს, მყიდველს, დიდი ალბათობით, ვერ იპოვის და საბოლოოდ მისი ლიკვიდაცია მოხდება.