დღეს ფარიკაობის დარბაზში სპორტის და ახალგაზრდობის საქმეთა სამინისტროს ხელმძღვანელები საქართველოს 23 წლამდე მოფარიკავეთა ნაკრებს შეხვდნენ და ევროპის ჩემპიონატზე მიღწეული წარმატება მიულოცეს.

შეგახსენებთ, რომ მინსკში გამართული კონტინენტის პირველობაზე ქართველმა სპორტმენებმა ხმლით ასპარეზობაში გუნდურში ჩემპიონის ტიტული მოიპოვეს.

მიხეილ მარდალეიშვილის, საბა სულამანიძის, ნიკოლოზ შენგელიას და ვაჟა რეჭიას კვარტეტმა ფინალში იტალია დაამარცხა და ამ ასაკში პირველად გახდა ტურნირის ტრიუმფატორი. ამავე შეჯიბრზე, ინდივიდუალურში რაპირით ასპარეზობაში, ბრინჯაოს მედალს ლუკა ღაღანიძე დაეუფლა.