საკონსტიტუციო ცვლილებების პროექტის წინააღმდეგ ოპოზიცია სამოქმედო სტრატეგიას ამკაცრებს. ხელისუფლების ოპონენტების ნაწილი აქციებით და შიმშილობით იმუქრება, მეორე ნაწილი კი კარდაკარ დადის.

სადავო საარჩევნო საკითხებზე პლებისციტის ჩატარების მიზნით ,,ევროპული საქართველო’ ხელმოწერებს აგროვებს. პროტესტს არ წყვეტენ არასაპარლამენტო პარტიებიც, რომლებიც დღეს ავლაბრის სასახლეში მიიღეს.

კამპანია ,,დაიცავი კონსტიტუციის” მონაწილეებმა პრეზიდენტს ოპოზიციის ერთობლივი დეკლარაცია გააცნეს. ალტერნატიული კამპანიების ფონზე მმართველი პარტია საკონსტიტუციო ცვლილებების საჯარო განხილვისთვის ემზადება და ოპონენტებს დისკუსიაში ჩართვისკენ მოუწოდებს.