მოსამართლეების დაცვა თუ გამოხატვის თავისუფლების შეზღუდვა ევა გოცირიძის ინიციატივის გამო განმარტების გაკეთება ამჯერად უზენაესი სასამართლოს თავმჯდომარეს უწევს.

ნინო გვენეტაძე ამბობს, რომ იუსტიციის საბჭოს მიერ გავრცელებული განცხადების მიზანი სასამართლოს მიმართ ნდობის ამაღლება და საჯარო დისკუსიის დაწყებაა.

გვენეტაძესთან შედარებით, მწვავე ტონი აქვთ საბჭოს წევრებს, რომლებიც მოსამართლეების შეურაცხყოფაზე სანქციების დაწესებას მხარს ღიად უჭერენ.

საბჭოს მიერ მესამე სექტორისთვის შეთავაზებული დისკუსია შესაძლოა არ შედგეს. ადრესატების უმრავლესობა გოცირიძის ინიციატივას ცენზურის დაკანონებად აფასებს.