,,რეფორმატორებს’’ მიგვაჩნია, რომ კონსტიტუცია, როგორც ქვეყნის უზენაესი კანონი, უნდა ეფუძნებოდეს ფართო საზოგადოებრივ და პოლიტიკურ კონსესუსს, რაც მოცმეულ სიტუაციაში არ შემდგარა ! უფრო მეტიც, პოლიტიკურმა ძალებმა, რომლებიც მიწვეულნი იყვნენ საკონსტიტუციო კომისიის შემადგენლობაში, მათ მიერ წარდგენილი პოზიციების გაუთვალისწინებლობის გამო დატოვეს კომისია.
გარდა ზემოაღნიშნულისა, საკონსტიტუციო კომისიის მხრიდან არ იქნა გაზიარებული კომისიის მიღმა დარჩენილი საზოგადოების შეფასებები, რაც საბოლოო ჯამში გვაძლევს საფუძველს გამოვაცხადოთ, რომ საკონსტიტუციო კომისიის მიერ მიღებულ დოკუმენტს არ გააჩნია ლეგიტიმაცია, ვინაიდან არ იქნა დაცული კონსესუსის, როგორც საკონსტიტუციო ცვლილების განხორციელების უმთავრესი პრინციპი.
ქვეყანაში გვაქვს შემდეგი მოცემულობა, მმართველ ძალას წარმოადგენს ის პოლიტიკური ორგანიზაცია, რომელმაც მაჟორიტარულ-ფეოდალური სისტემის დამსახურებით მოიპოვა შეუზღუდავი უფლებამოსილება, რომელიც ცნობილია საკონსტიტუციო უმრავლესობის სახელით, გვყავს პოლიტიზირებული ძალოვანი უწყებები და მორჩილებაში მყოფი სასამართლო ხელისუფლება. ხელისუფლება ებრძვის სიტყვის თავისუფლებას, როგორც დემოკრატიის მთავარ ღერძს და ცდილობს სხვადასხვა გზით დაიმორჩილოს მედია საშუალებები.
მიღებული რედაქცია ცხადს ხდის, რომ შინაარსისგან მთლიანად იცლება პრეზიდენტის ინსტიტუტი.
პრეზიდენტის პირდაპირი არჩევის წესის გაუქმება ნიშნავს იმას, რომ ჩვენს ხალხს ერთმევა უფლება თავიანთი შეხედულებით აირჩიონ მომავალი პრეზიდენტი.
ჩვენ აქტიურ მონაწილეობას ვიღებდით პრეზიდენტის პროექტში კონსტიტუცია ყველასია და არაერთ რეგიონში პრეზიდენტთან ერთად გვქონდა შეხვედრა მოსახლეობასთან, სადაც აშკარად ჩანდა საზოგადოების მაღალი ინტერესი, რომ მათ სურთ პრეზიდენტი აირჩიონ თავად.
ახალი რედაქციით უქმდება შესაძლებლობა, პოლიტიკურმა ძალებმა შექმნან საარჩევნო ბლოკი , რაც თავის მხრივ ნიშნავს იმას, რომ დასუსტებულმა ოპოზიციამ ვერ შეძლოს ხელისუფლების შეცვლა არჩევნების გზით. მინდა საზოგადოებას შევახსენო, რომ ედუარდ შევარდნაძის ხელისუფლება სააკაშვილის ხელისუფლებამ შეცვალა ბლოკით და ეს უკანასკნელიც ბიძინა ივანიშვილის ხელისუფლებამ შეცვლა კვლავ ბლოკის

#ირაკლიღლონტი #პოლიტიკა