ჯერ კიდევ პასუხგაუცემელი ბრალდებები -. დატოვებს თუ არა თანამდებობას ევროსაბჭოს საპარლამენტო ასამბლეის პრეზიდენტი. სტრასბურგში პედრო აგრამუნტისთვის უნდობლობის საკითხი აქტუალობას არ კარგავს.
საპარლამენტო ასამბლეის წევრები პრეზიდენტს სირიაში განხორციელებული ვიზიტისა და ბაშარ ასადთან შეხვედრისთვის მწვავედ აკრიტიკებენ. დეპუტატების შეფასებით, ამ მოქმედებით პედრო აგრამუნტიმ ევროსაბჭოს იმიჯი შელახა.
ასამბლეის პრეზიდენტს ბრალდებებისთვის პასუხი ჯერ არ გაუცია. სპეციალური პრესკონფერენციის მოწვევას ის პარასკევს გეგმავს. საპარლამენტო ასამბლეის წევრები მტკიცე გარანტიებს ითხოვენ, რომ პედრო აგრამუნტი თანამდებობას აუცილებლად დატოვებს.