„დემოკრატიული მოძრაობა“ პარლამენტის და მისი თავმჯდომარის ირაკლი კობახიძის წინააღმდეგ ქუთაისის საქალაქო სასამართლოს უახლოეს დღეებში სარჩელით მიმართავს.

საქმე ეხება პარლამენტის თავმჯდომარის გადაწყვეტილებას ბოიკოტგამოცხადებული ოპოზიციური პარტიების საკონსტიტუციო კომისიის შემაჯამებელი სხდომის წინ სიიდან ამოღების თაობაზე.

,,დემოკრატიული მოძრაობის” ლიდერ ნინო ბურჯანაძის განცხადებით, ეს გადაწყვეტილება ყოველგვარ სამართლებრივ საფუძველს არის მოკლებული და მსგავსი პრეცედენტები არც ერთი ქვეყნის პარლამენტის ისტორიას არ ახსოვს.

,,დემოკრატიულოი მოძრაობა” სარჩელის შეტანასთან დაკავშირებით კონსულტაციების გამართვას სხვა ოპოზიციურ პარტიებთანაც გეგმავს.