ეკონომიკურ დანაშაულზე სამართლებრივი დევნა დაიწყება იმ შემთხვევაში თუკი დავალიანება 100 ათას ლარს გადააჭარბებს. სისხლის სამართლებრივი პასუხისმგებლობა კი რიგ შემთხვევაში უქმდება.

ცვლილებები საქართველოს საგადასახადო კოდექსში და საქართველოს სისხლის სამართლის კოდექსში შედის. კანონპროექტები მთავრობის დღევანდელ სხდომაზე ფინანსთა სამინისტრომ წარადგინა.

სიახლეს მიესალმებიან ბიზნესმენები, თუმცა გარკვეული შენიშვნები მაინც აქვთ. კერძო სექტორი ითხოვს, რომ ერთმანეთს გაემიჯნოს გადასახადებისთვის თავის არიდებისა და გადასახადების დამალვის მუხლები.

ზურაბ ლალაზაშვილი მიიჩნევს, რომ თავის არიდება სისხლის სამართლებრივი კუთხით დასჯადი არ უნდა იყოს და მსგავს შემთხვევებში პირებს მხოლოდ ფულადი სანქცია უნდა დაეკისროთ.