საჯარო განხილვების დაწყებამდე, აზრთა სხვადასხვაობაა კონსტიტუციაში შესატან კიდევ ერთი ცვლილების გარშემო. თუ პროექტი დამტკიცდება, პარლამენტის ადგილმდებარეობა ქვეყნის უზენაესი კანონით განსაზღვრული აღარ იქნება. ამ ფონზე ჩნდება კითხვა - მოსალოდნელია თუ არა, რომ საკანონმდებლო ორგანო ერთდროულად ისევ ორ ქალაქში იყოს.

მმართველ პარტიაში არ გამორიცხავენ, რომ დროებით საკომიტეტო და პლენარული სხდომებისთვის, თბილისში და ქუთაისში მდებარე ორივე შენობა გამოიყენონ.

მსგავს მოსაზრებას არ იზიარებს ქართული ოცნების წევრთა ერთი ნაწილი, რომელიც საკუთარ პოზიციას გაზრდილი საბიუჯეტო ხარჯებით ამყარებს.

თბილისი თუ ქუთაისი - თეონა მანაგაძე არკვევდა, სად განთავსდება ახალი კონსტიტუციის ამოქმედების შემდეგ ქვეყნის პარლამენტი.