იმედი მქონდა პროკურატურა და შს ორგანოები პასუხისგებაში მისცემდა რეალურ დამნაშავეებს.
სსკ-ის 225 მუხლის პირველი ნაწილით (მასობრივი არეულობის ორგანიზება ან ხელმძღვანელობა) უნდა დაეკავებინათ იმ ანტისახელმწიფოებრივი ძალის და დანაშაულებრივი დაჯგუფების წარმომადგენლები, რომლებმაც რეალურად დააორგანიზეს და აღასრულეს დანაშაული. აი ამის მოლოდინი და ინტერესი მქონდა ამ ხნის მანძილზე და ვერაფრით ვერ წარმოვიდგენდი, რომ ერთ ახალგაზრდა, იმპულსურ ბიჭს დააკავებდნენ ორგანიზების ან ხელმძღვანელობის ბრალდებით, რომელიც არასწორ ადგილზე არასწორ დროს აღმოჩნდა. კი მან გაუაზრებელი და ნაჩქარევი ნაბიჯი გადადგა, თუმცა მან ესეც ახსნა.
ცოტა დამაჯერებელი მაინც იქნებოდა ამ ბიჭის იგივე მუხლის მეორე ნაწილით დაკავება, თუმცა მაინც გაგიჭირდებოდათ იმის მტკიცებაც, რომ მონაწილეობას იღებდა საკუთარი ქალაქის დარბევაში.
ვინც ფიქრობთ, რომ ასეთი ადვილია ამხელა დანაშაულის ორგანიზება და ხელმძღვანელობა, ძალიან ცდებით, მითუმეტეს საუბარია ერთ ახალგაზრდა ბიჭზე, რომელიც საკუთარი პარტიის გადაწყვეტილებით ამ ინციდენტის შემდეგ გაირიცხა პარტიიდან და ტაქსის მძღოლად მუშაობდა. მას არ შეეძლო ამ მასშტაბის დანაშაულის არც დაორგანიზება და არც ხელმძღვანელობა, უბრალოდ არ შეეძლო ამდენი ადამიანის ქუჩაში გამოყვანა. ეს ნონსენსია !
მხოლოდ სოლიდარობის გამოცხადებით არ ვაპირებ შემოვიფარგლო, თვალს მივადევნებ პროცესს და მექნება სათანადო რეაქციაც. ველოდები გამოძიების პასუხს, კითხვები ახლა უფრო მეტია !
#ირაკლიღლონტი #პოლიტიკა