ავღანეთში აშშ-ის სამხედრო ბაზასთან მანქანაში დამონტაჟებული ბომბი აფეთქდა. შემთხვევა ავღანეთის აღმოსავლეთ ნაწილში, ხოსთის პროვინციაში მოხდა. ინფორმაციას სააგენტო "როიტერი" ავრცელებს.

​ხოსთის პროვინციის გუბერნატორის წარმომადგენლის, მოჰამად ზადრანის თქმით, აფეთქება Forward Operating Base Chapman-ის ბაზის შესასვლელთან მოხდა, რომელიც ამერიკელი სამხედროებისა და კერძო სამხედრო კომპანიების მართვის ქვეშაა.

​აღნიშნულ ფაქტს აშშ-ის შეიარაღებული ძალების წარმომადგენლობაც ადასტურებს. უწყების თქმით, შესაძლოა ავღანეთის მოქალაქეები დაშავებულიყვნენ. როგორც ირკვევა, აშშ-ის სამხედროები ინციდენტის შედეგად არ დაშავებულან.

დღეს, აშშ-ის თავდაცვის მდივანი ჯეიმს მეტისი ვიზიტით ავღანეთს ეწვია.