ნაფიცი მსაჯულების მიერ უკვე მეორე რეზონანსულ საქმეზე გამოტანილი გამამტყუნებელი ვერდიქტი - 10 მომხრე, 2 წინააღმდეგი. ექვსსაათიანი მსჯელობის შემდეგ 12-მა მსაჯულმა დედა-შვილის სასტიკ მკვლელობაში ბრალდებული დამნაშავედ ცნო.

გადაწყვეტილებიდან რამდენიმე საათში მოსამართლემ გიორგი ხაბელაშვილს უვადო პატიმრობა მიუსაჯა.

შემზარავი დანაშაული ფონიჭალაში 2016 წლის თებერვალში მოხდა. ნონა რომანიძე და მისი სამი წლის შვილი დამწვარ ბინაში ცივი იარაღით მოკლულები იპოვეს. ბრალდებული დაზარალებული ოჯახის ახლობელია, რომელიც მკვლელობიდან ხუთი თვის შემდეგ დააკავეს.