საკუთარი გეგმა აქვს ბოიკოტის რეჟიმში მყოფ ოპოზიციურ პარტიებს, რომლებიც საკონსტიტუციო ცვლილებების პროექტის კორექტირებას ითხოვენ. 15 პარტიით დაკომპლექტებული საკორდინაციო საბჭო ვენეციის კომისიასთან აქტიურ კომუნიკაციას აპირებს.

ოპოზიციის მსგავსად, პრეზიდენტის არაპირდაპირი არჩევის წესით და საპარლამენტო მანდატების გადანაწილების პრინციპით უკმაყოფილოა არასამთავრობო სექტორიც, რომელიც ხვალინდელი კენჭისყრის დროს ხელისუფლებას ალტერნატიულ წინადადებებს შესთავაზებს.

ოთხთვიანი მუშაობის შემდეგ მომზადებული დოკუმენტის რამდენიმე მუხლის მიმართ შენიშვნა აქვს სახალხო დამცველსაც, თუმცა ომბუდსმენი კომისიის მიღწევებზეც საუბრობს.