20 აპრილი, 2017
• ბოლო ათწლეულების საქართველოსა და მის საზოგადოებაში მოხდა მკვეთრი, ხშირად მტკივნეული პოლიტიკური, სოციალური თუ ეკონომიკური ცვლილებები. იცვლებოდა ხელისუფლებები, იცვლებოდა იდეოლოგიური კონფიგურაციები, ჩნდებოდა მოდერნიზაციისა და ჩამორჩენილობის, თანამედროვეობისა თუ დრომოჭმულობის ახალ-ახალი კონცეფციები. როგორ აისახა ეს ცვლილებები საქართველოს ახალგაზრდებზე?
• შეიცვალა თუ არა უთანასწორობისა და იერარქიების გამომწვევი ის ფაქტორები, რომლებიც მათ მემკვიდრეობით ერგოთ მშობლებისგან − იქნება ეს სიღარიბე, კულტურული კაპიტალი, სოფლისა და ქალაქის ურთიერთმიმართება?
• რა ფუნქციას ასრულებს ახალგაზრდებს შორის უთანასწორობის ჩამოყალიბებაში ისეთი გარემოებები, როგორებიცაა სოციალური კლასი, განათლების ხელმისაწვდომობა, გენდერი?
• რა ფორმით მიმდინარეობს სექსუალობის საკითხებზე დისკუსია საზოგადოებაში და რამდენად უწყობს ის ხელს ახალგაზრდებს შორის მანკიერი ნორმების შეცვლას?
ინტერVIEW-ს მორიგ გამოშვებაში სალომე ასათიანი ამ საკითხებზე ესაუბრება სოციალურ აქტივისტსა და ახალგაზრდებში უთანასწორობის გამომწვევი ფაქტორების მკვლევარს გიორგი ღვინჯილიას.