"მოძრაობა თავისუფლებისთვის - ევროპული საქართველოს" ლიდერი გიგი უგულავა სოფელ ძალისში მოსახლეობას შეხვდა და მათ პრობლემებს გაეცნო. ადგილობრივების განცხადებით, მათ მთავარი პრობლემა წყალმომარაგების ობიექტის მშენებლობის შეჩერებაა. გიგი უგულავა ასევე ესტუმრა გოდიშვილების ოჯახს, რომლებსაც სოციალური დახმარება უსამართლოდ მოუხსნეს.

„ამ ოჯახს სოციალური დახმარება მოუხსნეს იმიტომ, რომ ბავშვს დაენიშნა 100 ლარი და 100 ლარის სანაცვლოდ მოუხსნეს 200 ლარის დახმარება. ეს პატარა ოჯახის პრობლემაა ამ სოფელში და გარდა ამისა, ვნახეთ აბსოლუტურად გაუგონარი რამ, გამგეობამ დახარჯა 400 ათასი ლარი იმისთვის, რომ წყლის სისტემა გაეყვანათ, მაგრამ დატოვებულია ღია ჭები 7-8 ადგილას და წყალი არის გამდინარე, იქ საქონელი სარგებლობს და ა.შ. პრაქტიკულად ის 400 ათასი ლარი გადაიყარა წყალში. ეს არის კლასიკური მაგალითი უპატრონობის,“ - განაცხადა გიგი უგულავამ.


#europeangeorgia #ევროპულისაქართველო #პოლიტიკა