საკონსტიტუციო კომისია მიმდინარე კვირაში მუშაობას დაასრულებს. კვირის ბოლოს კენჭს უყრიან ცვლილებების საბოლოო პროექტს, რომელსაც კენჭისყრისთვის ჯერ პარლამენტს და ვენეციის კომისიას წარუდგენენ, მოგვიანებით კი დოკუმენტის გარშემო საჯარო განხილვები დაიწყება.

ადამიანის ძირითადი უფლებებისა და სასამართლო ხელისუფლების საკითხებზე მომუშავე ჯგუფი დღეს შემაჯამებელ სხდომას მართავს. სწორედ შეხვედრის დასრულების შემდეგ მიიღებენ არასამთავრობო ორგანიზაციები და ოპოზიცია გადაწყვეტილებას - დატოვებენ თუ არა კომისიას.