გერმანია საქართველოს 125 მილიონ ევროს გამოუყოფს. რეკონსტრუქციის საკრედიტო ბანკის კრედიტი ელექტროგადამცემი ქსელის გაფართოებას უნდა მოხმარდეს. პროგრამის მიზანია საქართველოს ელექტროგადამცემ ქსელთან ჰიდროელექტროსადგურების დასაკავშირებლად ქსელის ინფრასტრუქტურის განვითარების ხელშეწყობა, რითაც ელექტროგადამცემი ქსელის სიმძლავრე გაიზრდება.
პროგრამის ფარგლებში დაგეგმილია თურქეთის მიმართულებით, გურიის რეგიონში გადამცემი ქსელის ინფრასტრუქტურის განვითარება და ასევე ე.წ. „ჩრდილოეთის რგოლის“ პირველი ფაზის განხორციელება.