მოსწავლეების მონაწილეობით, ნაფიც მსაჯულთა იმიტირებული სასამართლო პროცესი გაიმართა. ის რუსთავის რაიონული პროკურატურის ორგანიზებით ჩატარდა და მასში რუსთავის 28 საჯარო სკოლის მოსწავლეები მონაწილეობდნენ.

იმიტირებულ სასამართლო პროცესზე დამამძიმებელ გარემოებებში, უკანონოდ შეძენილი და შენახული ცეცხლსასროლი იარაღით ჩადენილი განზრახ მკვლელობის კაზუსი განიხილეს.

ღონისძიების დასასრულს პროკურატურის წარმომადგენლებმა სკოლის მოსწავლეებს საქართველოში ნაფიც მსაჯულთა ინსტიტუტის შესახებ მიაწოდეს ინფორმაცია. სასამართლო პროცესში მონაწილე 21 მოსწავლე სიგელებით დაჯილდოვდნენ.