სამართალდამცავების მიმართ გამოთქმული პრეტენზიები მოხვდა სახალხო დამცველის 2016 წლის ანგარიშში. ომბუდსმენის თქმით, სამართალდამცავების მხრიდან არასათანდო მოპყრობის ფაქტები გასულ წელს საგრძნობლად გახშირდა, თუმცა, მისივე თქმით, პოლიციელების სამართლებრივი პასუხისმგებლობის საკითხი არ დამდგარა.

პარლამენტში გამოსვლის დროს უჩა ნანუაშვილმა კიდევ ერთხელ მოითხოვა დამოუკიდებელი საგამოძიებო ორგანოს შექმნა, რომელიც სამართალდამცავების მიერ შესაძლო დანაშაულის ჩადენის ფაქტებს გამოიძიებს.

ანგარიშში ასევე საუბარია ქალებზე ძალადობის გახშირებულ ფაქტებსა და სასამართლო სისტემაში გამოვლენილ ხარვეზებზე.