ბრიტანეთის ცენტრალური ბანკი სკანდალში ეხვევა. "ბი-ბი-სი"-მ 2008 წლის საიდუმლო სატელეფონო საუბრის ჩანაწერი მოიპოვა, რომლის მიხედვითაც ირკვევა, რომ ინგლისის ბანკი ფინანსური კრიზისის პერიოდში, საბანკო სექტორს ბანკთაშორისი სესხების საპროცენტო განაკვეთის ე.წ. ლიბორის განაკვეთის შემცირებას აიძულებდა.

ამასთან, აღნიშნულ პერიოდში, ბრიტანეთის ცენტრალური ბანკი ირწმუნებოდა, რომ არც გაერთიანებულ სამეფოში და არც გლობალურ დონეზე ლიბორი რეგულირებას არ ექვემდებარებოდა. ბრიტანეთის თაღლითობასთან ბრძოლის ორგანო ჯერ კიდევ იძიებს აღნიშნულ დანაშაულს და მაღალი თანამდებობის პირების დაკავებასაც არ გამორიცხავს.