ახალი საკანონმდებლო რეგულაციების შესახებ სამუშაო შეხვედრა გაიმართა ხელოვნების ინსტიტუტში. საზოგადოებრივი მაუწყებლის აჭარის ტელევიზიისა და რადიოს თანამშრომლებს მოსალოდნელი ცვლილებები საქართველოს კომუნიკაციების ეროვნული კომისიის თავმჯდომარემ და კომისიის წევრებმა გაცნეს.
შეხვედრაზე ძირითადად სოციალური და კომერციული რეკლამის განთავსების წესი განიხილეს. კანონმდებლობაში ასევე იქნება ჩანაწერი ფარულ რეკლამასთან დაკავშირებით. პარლამენტში მუშაობა საკანონმდებლო ცვლილებებზე მიმდინარეობს.