ხორვატიაში გამართული ევროპის ჩემპიონატიდან ქართველი ძალოსნები სამშობლოში გამთენიისას დაბრუნდნენ.

ლაშა ტალახაძემ ატაცში 217 კილოგრამი დაძლია, რითაც მსოფლიო რეკორდი დაამყარა. აკვრაში კი 250 კგ აწია და საერთო ჯამში, 467 კილოგრამის დაძლევით, ევროპის ჩემპიონის ტიტული დაიცვა. ის სამი ოქროს მედლის მფლობელი გახდა.

ლაშა ტალახაძე ევროპის ჩემპიონი ზედიზედ მეორედ გახდა. ამასთან, ხორვატიის ქალაქ სპლიტში გამართულ კონტინენტის პირველობაზე მძიმე წონით კატეგორიაში ოლიმპიური თამაშების ბრინჯაოს პრიზიორი ირაკლი თურმანიძეც ასპარეზობდა. ირაკლი თურმანიძემ შეჯიბრი 201 კილოგრამით დაასრულა და მესამე ადგილზე გავიდა.