მოსამართლე ვლადიმერ კაკაბაძე ბიზნესმენ ფადი ასლის სასამართლოში უჩივის. სარჩელი საქალაქო სასამართლოში კაკაბაძის ადვოკატმა კობა ბოჭორიშვილმა შიეტანა.

როგორც ადვოკატმა ჟურნალისტებს განუცხადა, სარჩელი შეეხება მოსამართლის წინააღმდეგ პატივის და ღირსების, ასევე საქმიანი რეპუტაციის შემლახველი ინფორმაციის გავრცელებას.

ბოჭორიშვილის ინფორმაციით, ვლადიმერ კაკაბაძე კანონის შესაბამისად ცნობების უარყოფას და მორალური ზიანის ანაზღაურებას ითხოვს, ფინანსური მოთხოვნა 20 000 ლარს შეადგენს.

საქმე ეხება ფადი ასლის გაკეთებულ განცხადებას, სადაც ვლადიმერ კაკაბაძის იმ გადაწყვეტილებას აპროტესტებს, რომლის მიხედვითაც თამბაქოს საერთაშორისო ბრენდები British American Tobacco და Philip Morris დაახლოებით 90 მილიონი დოლარით დაჯარიმდნენ. ფადი ასლი აცხადებდა, რომ მოსამართლე კორუმპირებულია.

„მოთხოვნა ეფუძნება ინფორმაციიის უარყოფას, რომელიც ბატონი მოსამართლის წინააღმდეგ გავრცელდა. საუბარი იყო კორუფციაზე, დანაშაულზე და სხვა სახის ცილისწამებულ განცხადებებზე, რომელიც გამოთქმული იყო საჯარო მოხელის მიმართ და მან საჯაროდ მიაყენა მოსამართლეს შეურსცხყოფა გამოტანილი გადაწყვეტილების გამო“, - განაცხადა კობა ბოჭორიშვილმა.