"ნეპოტიზმზე შემაშფოთებელი სიუჯეტი ვნახეთ კურიერ პ.ს-ში რომელიც ეხება სახელმწიფო სახსრების განიავებას და განაწილებას ხელისუფლების წარმომადგენლებზე. ყველაზე მნიშვნელოვანი მიღწევა რომელიც იყო ვარდების რევოლუციის შემდგომ და იმ რეფორმების შემდგომ ეს იყო ის რომ ჩაწყობით სამსახურის შოვნა, უნივერსიტეტში ჩაწყობა და ეს ტერმინები ნელ-ნელა დავიწყებას მიეცა. საქართველოში ნამდვილად მივაღწით იმას, რომ სამსახურში კონკურსის წესით იწყებდნენ მუშაობას. ახლა ვხედავთ ძალიან შემაშფოთბელ სურათს, რომ მთავარი პროკურორის, იუსტიციის უმაღლესი საბჭოს წევრის და ჩვენი კოლეგის პარლამენტის იურიდიულ საკითხთა კომიტეტის თავჯდომარის ნათესავები თურმე სახელმწიფო წყალმომარაგების კომპანიაში მაღალ ხელფასიან სამსახურზე არიან მოწყობილები. ეს ყოფილა დანერგილი თან წესად. ეს არის ძალიან შემაშფოთებელი ინფორმაცია, იმ ფონზე როდესაც ჩვენი მოქალაქეების გაჭირვება იზრდება, იმ ფონზე როდესაც ჩვენ უნდა ვიყოთ ორიენტირებულები სახელმწიფო ხარჯების შეკვეცისკენ, ოპტიმიზაციისკენ, იმ ფონზე როდესაც უმუშევრობა გვაქვს მაღალი და შანსი უნდა მიეცეს თითოეულ მოქალაქეს თავისი კომპეტენციის შესაბამისად, თავისი განათლების შესაბამისად დაიწყოს მუშაობა და აქ ნათესაობის კუთხით, ზემოდან დარეკვით და სად ვბრუნდებით? ჩვენ ვბრუნდებით პრაკტიკულად შვარდნაძის და საბჭოთა წარსულში სადაც მთავარი სამსახურის დასაწყებად იყო ნაცნობობა, მთავარი იყო ვინ ვისი ნათესავი იყო და ვისი მეგობარი იყო. ამას საფუძველი, მე მინდა გავიხსენო ივანიშვილის გამოსვლა სადაც მან ეს შეაფასა როგორც ქართული ხასიათი, თურმე ნეპოტიზმი დიდი ტრაგედია არაა, თითქოს ნაცნობს რომ დაასაქმებ სამსახურში მასზე უფრო მეტი ინფორმაცია გექნება." - ოთარ კახიძე.




#europeangeorgia #ევროპულისაქართველო #პოლიტიკა #პარლამენტი #ოთარ #კახიძე