დავა გრძელდება თვითმმართველობის კოდექსში მოსალოდნელი ცვლილების გარშემოც. იგულისხმება ინიციატივა, რომლის მიხედვით 7 თვითმმართველი ქალაქი შესაძლოა ისევ მუნიციპალიტეტებთან გაერთიანდეს.

რეგიონული განვითარების მინისტრის მთავარი არგუმენტი მერის და გამგებლების ფუნქციების დუბლირება და გაზრდილი საბიუჯეტო ხარჯებია.

ამ პოზიციას არ იზიარებს არასამთავრობო ორგანიზაციების ნაწილი, რომლებიც, ხარჯების გასაჯაროების გარდა, იმ სტატისტიკასაც აქვეყნებენ, რომელიც თვითმმართველი ქალაქების მიერ მიღებულ მზარდ შემოსავლებს ასახავს.

სამი წლის წინ მიღებული კოდექსის უცვლელად დატოვებას ითხოვენ თვითმმართველი ქალაქებიც, სადაც ხელმოწერებიც შეგროვება დაიწყო.