ნაციონალურ საკალათბურთო ასოციაციაში, დღეს დილით, რეგულარული სეზონის მხოლოდ ერთი შეხვედრა გაიმართა.

მინიაპოლისში "მინესოტა "ტიმბერვულფსმა" "პორტლენდ ტრეილ ბლეიზერსს" უმასპინძლა. დასავლეთ კონფერნციიდან პორტლენდელებს პლეიოფში თამაში თითქმის განაღდებული აქვთ. "თიმბერვილფსი" კი წელს რვა საუკეთესო გუნდში ვეღარ მოხვდება.

თამაში გარდამავლი უპირატესობით წარიმართა და გამარჯვებული უკანასკნელ წამებზე გამოვლინდა. მასპინძლებმა 110-109 გაიმარჯვეს. ბოლო შეტევაში დემიენ ლილიარდს შეეძლო თავისი გუნდისთვის გამარჯვების მოტანა, თუმცა ბოლო წამზე ნატყორცნი ბურთი არ ჩავარდა.

"ტიმბერვულფსს" კარლ ენტონი თაუნსი ლიდერობდა, რომელმაც 34 ქულა და 12 მოხსნა გააკეთა. ენდრიუ უიგინსის მონაგარმა 29 ქულა შეადგინა. პორტლენდში კი საუკეთესო ლილიარდი გახლდათ 25 ქულით.