„მოამბისთვი“ არაოფიციალურად ცნობილი ხდება იმ კანდიდატის შესახებ, რომელსაც შესაძლოა ფარულ მიყურადებაზე უფლებამოსილი სააგენტო ჩააბარონ.
დაუდასტურებელი ინფორმაციით, ოპერატიულ-ტექნიკური სააგენტოს ხელმძღვანელის პოსტზე ალეკო ტაბატაძის კანდიდატურა განიხილება. მეხუთე თვეა ტაბატაძე სუს-ის უფროსის მოადგილის თანამდებობაზე მუშაობს, მანამდე იყო იუსტიციის, უფრო ადრე კი შინაგან საქმეთა ყოფილი მინისტრის მოადგილე.
ინფორმაციას არ ადასტურებენ მმართველ გუნდში. მათ შორის არც ეკა ბესელია, რომელიც სპეციალური კომისიის წევრი იქნება. ფარული კენჭისყრით სწორედ ამ კომისიამ უნდა შეარჩიოს სამი თვის ვადაში ახლად შექმნილი სააგენტოს ხელმძღვანელი. ამ პროცედურის შემდეგ დაიწყებს მუშაობას სააგენტო, რომელსაც, ე.წ. მოსმენების კანონის მიხედვით, ფარული საგამოძიებო მოქმედებების ჩატარების უფლება იქნება.
შორენა ხვიჩია დეტალებით.