ნარკოდანაშაულის ბრალდებით დაკავებული შოთა პაკელიანის ადვოკატები იმ პოლიციელების უფლებამოსილების შეჩერებას ითხოვენ, რომლებიც, მათი ინფორმაციით, დაკავებულ პაკელიანს ფიზიკურად გაუსწორდნენ.

საქმეზე გამოძიებას თბილისის პროკურატურა აწარმოებს. გამომძიებლები პაკელიანს გლდანის ციხეში მოინახულებენ.

შინაგან საქმეთა მინისტრის მოადგილის ინფორმაციით, სწორედ პროკურატურაზეა დამოკიდებული შეუჩერდება თუ არა უფლებამოსილება პოლიციის კონკრეტულ თანამშრომლებს. მანამდე კი დაკავებულის ადვოკატები პაკელიანის დაზარალებულად ცნობას მოითხოვენ.