საგარეო საქმეთა სამინისტრო საერთაშორისო საზოგადოებას კიდევ ერთხელ მიმართავს. მიზეზი ოკუპირებულ აფხაზეთში საოკუპაციო რეჟიმის მიერ ე.წ. ბინადრობის მოწმობების გაცემის დაწყებაა.
ქვეყნის პირველი დიპლომატი ფაქტს დისკრიმინაციულ პოლიტიკად აფასებს. მიხეილ ჯანელიძე ამბობს, რომ მსგავსი პოზიციაა დაფიქსირებული გაეროს რეზოლიციაშიც, სადაც საქართველოს ოკუპირებულ რეგიონებში ადამიანის უფლებების დარღვევისა და მძიმე ჰუმანიტარულ ვითარების გამო შეშფოთებაა გამოთქმული.
რეზოლუციის ავტორები ასევე ხაზს უსვამენ, რომ აფხაზეთისა და ცხინვალის რეგიონებში გაერო-ს ადამიანის უფლებათა უმაღლესი კომისრის ოფისის შეღწევა უზრუნველყოფილი უნდა იყოს.
ოკუპირებულ რეგიონში ე.წ. ბინადრობის მოწმობების გაცემას შინაგან საქმეთა მინისტრის მოადგილეც ეხმაურება.