მარტი 31, 2017
,,დიდი ბრიტანეთის ევროკავშირიდან გასვლის შესახებ მოლაპარაკებები რთული და დროდადრო კონფრონტაციული იქნება’’, - განაცხადა ევროკავშირის საბჭოს პრეზიდენტმა.
დონალდ ტუსკმა ასევე აღნიშნა, რომ მოლაპარაკებების ფარგლებში ევროკავშირის მოქალაქეები ვაჭრობის ობიექტი არ უნდა გახდნენ, რადგან ევროკავშირის უპირველესი ამოცანა გაერთიანების წევრი ქვეყნების მოქალაქეების ინტერესების დაცვაა.
ევროკავშირის საბჭოს პრეზიდენტმა ხაზგასმით აღნიშნა, რომ ევროკავშირს მიზნად არ აქვს დასახული დიდი ბრიტანეთის დასჯა.
29 მარტს ევროკავშირში დიდი ბრიტანეთის ელჩმა ტიმ ბაროუმ ევროკავშირის საბჭოს პრეზიდენტს ტერეზა მეის წერილი გადასცა, რითაც დიდი ბრიტანეთის ევროკავშირიდან გასვლის პროცედურა ამოქმედდა.
მაჩვენე მეტი