ამოქმედებიდან სამი წლის შემდეგ თვითმმართველობის კოდექსში შესაძლოა ცვლილება შევიდეს. თვითმმართველი ქალაქების რაოდენობა 12-დან ისევ ხუთამდე უნდა შემცირდეს. 7 ქალაქისთვის 2014 წელს მინიჭებული სტატუსის შესაძლო ჩამორთმევა უკვე უთანხმოების მიზეზია. 120 საზოგადოებრივი და მედიაორგანიზაცია ხელისუფლებას საგანგებო განცხადებით მიმართავს.
წერილის ავტორები მმართველ გუნდს თვითმმართველობის დაპირებულ რეფორმას ახსენებენ და 12-ვე ქალაქისთვის სტატუსის და, შესაბამისად, მერის და გემგებლის პირდაპირი არჩევნების წესის შენარჩუნებას სთხოვენ. ანალოგიურია მერების ნაწილის პოზიციაც.
,,ქართული ოცნების” ლიდერები დეტალებზე არ საუბრობენ, თუმცა არ უარყოფენ, რომ ფუნქციების დუბლირების გამო ზოგიერთ ქალაქში მერიის გაუქმების და მუნიციპალიტეტების გაერთიანების საკითხი დღის წესრიგში დგას.