საფინანსო კომპანია „საქართველოს“ დაზარალებულმა მეანაბრეებმა მთავრობის კანცელარიასთან საპროტესტო აქცია გამართეს, ისინი კუთვნილი ანაბრების დაბრუნებას და პრემიერმინისტრთან შეხვედრას მოითხოვდნენ.
მეანაბრეების განცხადებით, კომპანიის ვალი დაახლოებით 76 მილიონ ლარს აღწევს. დაზარალებულები, მათი მოთხოვნების დაუკმაყოფილებლობის შემთხვევაში, აქციების გაგრძელებას გეგმავენ.