სოფლის საძოვარი, რომელსაც სამშენებლო კომპანიები ნაგავსაყრელად იყენებენ და დაღუპული პირუტყვი - ეს ის პრობლემებია, რომელზეც საგარეჯოს მოსახლეობა საუბრობს.
როგორც ადგილობრივები ერთიანი ნაციონალური მოძრაობის ლიდერ ნიკა მელიასთან შეხვედრისას აღნიშნავენ, მიუხედავად იმისა რომ მათ არაერთხელ მიმართეს ადგილობრივ ხელისუფლებას პრობლემის მოგვარების მიზნით, დღემდე არავინ დაინტერესებულა. მეტიც, საძოვრად გამოყოფილი ტერიტორია დღითი დღე ნაგვიანდება და იყო პირუტყვის მოწამვლის ფაქტებიც.
შეხვედრის მონაწილეებმა აღნიშნეს, რომ ტერიტორიის დანაგვიანებისთვის რეალურად ჯარიმები არსებობს, თუმცა ადგილობრივი ხელისუფლება კომპანიებს საშუალებას აძლევს სამშენებლო ნარჩენებით ტერიტორია დაანაგვიანოს. ამ ფაქტით კი დღემდე არ დაინტერესებულა გარემოს დაცვის სამინისტრო.