სამხრეთ ამერიკის ზონაში გუშინ მუნდიალის საკვალიფიკაციო ეტაპის შეხვედრები ჩატარდა. გათამაშების ლიდერმა, ბრაზილიის ნაკრებმა, სტუმრად მონტევიდეოში ურუგვაის ნაკრებს დიდი ანგარიშით 4-1 მოუგო.

აღსანიშნავია, რომ თავიდან პენტაკამპეონები მდევრის როლში აღმოჩნდნენ. მეცხრე წუთზე დანიშნული თერთმემეტრიანი ედინსონ კავანიმ ზუსტად შეასრულა.

სტუმრებმა მალევე გაათანაბრეს, თავი ულამაზესი დარტყმით, პაულინიომ გამოიჩინა. მეორე ნახევარში კი, სტუმრები შეუჩერებლები იყვნენ.

პაულინიომ კიდევ ორჯერ აიღო მეტოქის კარი და ჰეთტრიკი გაიფორმა. ერთი გოლის ავტორი კი, ნეიმარი გახლავთ. საბოლოოდ ბრაზილიელთა დამაჯერებელი გამარჯვება დაფიქსირდა.

ამ მოგების შემდეგ ტიტეს გუნდი 30 ქულით სატურნირო ცხრილის ლიდერია. გუშინვე კიდევ ერთმა ფავორიტმა მიაღწია წარმატებას. ბუენოს აირესის "ესტადიო მონუმენტალზე" არგენტინის ნაკრებმა ჩილეს ეროვნულ გუნდს, მინიმალური ანგარიშით 1-0 აჯობა.

შეხვედრის ერთადერთი გოლი მე-16-ე წუთზე ლეო მესიმ პენალტიდან გაიატანა. არგენტინელები 22 ქულით გათამაშებაში მესამე ადგილზე იმყოფებიან. მომდევნო ტურში ედგარდუ ბუაზას გუნდი ლა პასში ბოლივიის ნაკრებს დაუპირისპირდება