შეთავაზება ულტიმატუმად ფასდება, თუმცა ძმები ყარამანიშვილები ნიკა გვარამიას წინადადებას მაინც თანხმდებიან.
,,რუსთავი ორის” დღევანდელი მფლობელები მზად არიან, ტელეკომპანიის საკონტროლო პაკეტი ტელევიზიის თანამშრომლებს გადასცენ. სწორედ ამ მოთხოვნით მიმართა ყარამანიშვილებს გვარამიამ, რომელმაც ძმების გუშინდელი შეთავაზება არ მიიღო და 40%-იანი წილის გადაცემის წინადადება ფიქციად შეაფასა.
თანხმობის მიუხედავად, გენერალური დირექტორის გუშინდელი პასუხით ყარამანიშვილები უკმაყოფილებას ღიად აფიქსირებენ.
ტელევიზიის მესაკუთრეები განსაკუთრებით იმ გარემოებით არიან გაკვირვებული, რომ ნიკა გვარამიამ გუშინ მხოლოდ თანამშრომლების ნაწილი ახსენა.
სწორედ ბოლო განცხადებების გამო გვარამია-ყარამანიშვილებს შორის არსებულ შიდა დაპირისპირებაზე საუბრობენ ,,რუსთავი ორის” ყოფილი მესაკუთრის ადვოკატი და ერთ-ერთი დამფუძნებელიც.
არსებობს თუ არა უთანხმოება ,,რუსთავი ორის” დღევანდელ მფლობელებსა და მენეჯმენტს შორის-მით უმეტეს, რომ მათ შორის კომუნიკაცია ბოლო პერიოდში სატელევიზიო და ეპისტოლარულ ფორმატში მიმდინარეობს.