„ერთიანი ნაციონალური მოძრაობა“ შინაგან საქმეთა მინისტრს 9 თანამშრომლის უკანონო გათავისუფლებაში ადანაშაულებს.
პარტიის წევრ ნუგზარ წიკლაურის განცხადებით, გიორგი მღებრიშვილმა პოლიციელები, მათ შორის მთაწმინდისა და ვერის საუბნო განყოფილების უფროსები სამსახურიდან იმიტომ დაითხოვა, რომ მათ ყოფილი პრემიერის შვილის ბერა ივანიშვილის მოთხოვნა არ შეასრულეს.
მისი განცხადებით, ერთ-ერთ ღამის ბარში მომხდარი ჩხუბის გამო პოლიციელებმა დაცვის წევრი დააკავეს. წიკლაურის ინფორმაციით, გენინსპექციამ პოლიციელებს დაკავებულის გათავისუფლება იმ მოტივით მოსთხოვა, რომ ეს ბერა ივანიშვილის პირადი ინტერესი იყო, რაზეც მათ უარი თქვეს. ამის შემდეგ კი მინისტრმა მათი სამსახურიდან გაშვების გადაწყვეტილება მიიღო.
შინაგან საქმეთა სამინისტროში სატელევიზიო კომენტარზე უარს აცხადებენ. უწყების ინფორმაციით, ბოლო პერიოდში მიღებული საკადრო გადაწყვეტილებები როტაციის პროცესს უკავშირდება.