გუშინ ევროპის ლიგის გათამაშებაში მეოთხედფინალისტები გამოვლინდა. შემდგომ ეტაპზე ითამაშებს "ლიონი". ფრანგულმა კლუბმა ორი მატჩის ჯამში იტალიური "რომას" ბარიერი დაძლია. საკუთარ მოედანზე 4-2 გამარჯვების შემდეგ "ლიონმა" "სტადიო ოლიმპიკოზე" 1-2 წააგო თუმცა ეს საკმარისი გამოდგა შემდგომ ეტაპზე მოსახვედრად.

გუშინდელ დაპირისპირებაში სტუმრები დიახაბის გოლით დაწინაურდნენ. ამის შემდეგ კი რომაელებმა ორჯერ აიღეს ლოპესის კარი, ერთი წუთში სტროოტმანმა გაათანბარა ხოლო მეორე ტაიმში ტუსარის ავტოგოლი დაფიქსირდა.

გამარჯვების მიუხედავად, "რომა" ტურნირს ეთიშება. "ლიონის" მეტოქე მეოთხედფინალში სტამბოლის "ბეშიქთაში" იქნება.

როგორც მოსალოდნელი იყო, საუკეთესო რვა გუნდში მოხვდა "მანჩესტერ იუნაიტედიც". მანჩესტერელებმა ორი მატჩის ჯამში რუსული "როსტოვის" წინააღმდეგობა დაძლიეს.

რუსეთში ნათამაშები 1-1-ის შემდეგ მოურინიოს გუნდმა გუშინ "ოლდ ტრაფორდზე" მინიმალური ანგარიშით 1-0 გაიმარჯვა. ერთადერთი გოლი 70-ე წუთზე ხუან მატამ გაიტანა. "იუნაიტედი" მეოთხედფინალში ბრიუსელის "ანდერლეხტის" წინააღმდეგ ითამაშებს.