გერგეტის სამებამდე მისასვლელი გზის მშენებლობა უახლოეს პერიოდში დაიწყება. საავტომობილო გზების დეპარტამენტის თავმჯდომარემ მოსახლეობას მშენებლობის შესახებ პრეზენტაცია წარუდგინა.

შეხვედრაზე, რეგიონისთვის გზის მნიშვნელობის შესახებ ისაუბრეს და ადგილობრივი მოსახლეობის შენიშვნები მოისმინეს, რომელიც პროექტის განხორციელებისას იქნება გათვალისწინებული.

სტეფანწმინდა-სამების ეკლესიასთან მისასვლელი გზის პროექტი უკვე მზადაა და სამშენებლო სამუშაოები უახლოეს მომავალში დაიწყება. საპროექტო სამუშაოების ღირებულებამ 175 ათასი ლარი შეადგინა.