განათლების კომიტეტში დღეს ნუკრი ქანთარიას საკანონმდებლო წინადადება მოისმინეს. ინიციატივა ეხება დიდგორობის დღესასწაულის „დიდი გამარჯვების დღედ“ წოდებას და 12 აგვისტოს უქმე დღედ გამოცხადებას.

ცვლილებები საქართველოს ორგანულ კანონში, შრომის კოდექსში უნდა შევიდეს. კანონპროექტის ავტორი განმარტავს, რომ საქართველოში ბევრი მნიშვნელოვანი თარიღი აღინიშნება, თუმცა გამარჯვების დღეს სახალხო ზეიმის მნიშვნელობა უნდა მიენიჭოს და მთელ საქართველოში მასშტაბური ღონისძიებებით აღინიშნოს.