აეროპორტების შეფასების საერთაშორისო კომპანიამ "სქაიტრექსმა" ბაქოს ჰეიდარ ალიევის სახელობის საერთაშორისო აეროპორტი, დამოუკიდებელი თანამეგობრობის ქვეყნების სივრცეში, საუკეთესო აეროპორტად დაასახელა. მსოფლიოს საუკეთესო აეროპორტად კი ზედიზედ მეხუთედ, ისევ სინგაპურის "ჩანგის" აეროპორტი დასახელდა. დაჯილდოების საზეიმო ცერემონია ამსტერდამში გაიმართა. 2016 წლის ივლისიდან, მიმდიანრე წლის თებერვლამდე, "სქაიტრექსმა" 550 აეროპორტში ჩაატარა ინსპექცია და შესაფასებლად მსოფლიოს 105 ქვეყნიდან 13 მილიონზე მეტი ადამიანი გამოკითხა.

2015 წელს კი "სქაიტრექსმა" ბაქოს აეროპორტს 4 ვარსკვლავი მიანიჭა, რაც მსოფლიოში მხოლოდ 37 აეროპორტს აქვს.