ოკუპირებული ცხინვალის ე.წ. შეიარაღებული ძალების ქვედანაყოფის რუსეთის შეიარაღებულ ძალებში შესვლის შესახებ წინადადება დამტკიცებულია.
ვლადიმერ პუტინის ბრძანება რუსეთის მთავრობის ოფიციალურ გვერდზე უკვე გამოქვეყნდა. რუსეთის პრეზიდენტმა დაავალა თავდაცვის სამინისტროს, მოლაპარაკებები გამართოს ოკუპირებული ცხინვალის რეგიონის დე ფაქტო მთავრობასთან და შეთანხმების მიღწევის შემდეგ, ხელი მოეწეროს შესაბამის დოკუმენტს.
აღნიშნულ ფაქტს კატეგორიულად გმობს შერიგებისა და სამოქალაქო თანასწორობის საკითხებში სახელმწიფო მინისტრის აპარატი. პუტინის გადაწყვეტილებას რეგიონის ანექსიისკენ მიმართული პროცესის გაგრძელებად აფასებს ქეთევან ციხელაშვილი.
მინისტრი ვიზიტით ვენაში იმყოფება, სადაც მან აღნიშნული ინფორმაცია ეუთოს თანათავმჯდომარეებსა და ავსტრიის საგარეო საქმეთა სამინისტროს მიაწოდა.